සමන් ධර්මපාල මහත්මිය ජනශක්ති ෆයිනෑන්ස් හි නීති අංශ ප්‍රධානී ලෙස කටයුතු කරන අතර, නීති ක්ෂේත්‍රයේ වසර 25කට අධික වෘත්තීය අත්දැකීම් ලබාගෙන ඇත. සමාගමට උපායමාර්ගික නීති උපදේශන ලබාදීම, නඩු කටයුතු කළමනාකරණය කිරීම, නීතිමය හා කීර්තිනාමීය අවදානම් අවම කිරීම සහ අදාළ නීතිමය හා නියාමන අවශ්‍යතා පිළිපැදීම සහතික කිරීම ඇයගේ ප්‍රධාන වගකීම් වේ. එමෙන්ම සමාගමේ නීතිමය අයිතිවාසිකම් සහ අවශ්‍යතා ආරක්ෂා කිරීම සඳහා නියාමන ආයතන, බාහිර නීති උපදේශකයින් සහ කර්මාන්ත පාර්ශවකරුවන් සමඟ සමීපව සම්බන්ධීකරණය කරයි.

ඇයගේ වෘත්තීය ජීවිතය තුළ රාජ්‍ය හා පෞද්ගලික අංශයන්හි නීති සහ ආයතනික පාලන ක්ෂේත්‍රයන්ට අදාළ වැදගත් තනතුරු රැසක් දරා ඇත. ජනශක්ති ෆයිනෑන්ස් සමඟ එක්වීමට පෙර, ඇය පෞද්ගලික නීතිඥවරියක ලෙස කටයුතු කර ඇති අතර, ශ්‍රී ලංකා ඉඩම් සංවර්ධන සංස්ථාවේ ජ්‍යෙෂ්ඨ නීති නිලධාරිනිය ලෙස ද සේවය කර ඇත. එමෙන්ම මෙට්‍රෝ කොළඹ නාගරික සංවර්ධන ව්‍යාපෘතියේ (MCUDP) නීති නිලධාරිනිය ලෙසත්, LRDC Services (Pvt) Ltd. සහ Land Reclamation and Development Ltd. හි සමාගම් ලේකම්වරිය ලෙසත් කටයුතු කර ඇත.

ධර්මපාල මහත්මිය සිවිල් හා අපරාධ නීතිය යන දෙඅංශයේම පුළුල් විශේෂඥතාවක් හිමිකරගෙන සිටී. ඇය කොළඹ විශ්වවිද්‍යාලයෙන් නීතිවේදී උපාධිය (LL.B), ජෙනරාල් සර් ජෝන් කොතලාවල ආරක්ෂක විශ්වවිද්‍යාලයෙන් නීතිපති උපාධිය (LL.M) සහ කොළඹ විශ්වවිද්‍යාලයෙන් මානව සම්පත් කළමනාකරණය පිළිබඳ ශාස්ත්‍රපති උපාධිය (MHRM) ලබා ඇත. තවද ඇය ශ්‍රී ලංකා ශ්‍රේෂ්ඨාධිකරණයේ නීතිඥවරියක වන අතර ශ්‍රී ලංකා නීතිඥ සංගමයේ සාමාජිකාවක් ද වේ.

ඇයගේ වෘත්තීය ජයග්‍රහණ අතර, ශ්‍රී ලංකා ඉඩම් සංවර්ධන සංස්ථාවේ මධ්‍යම කළමනාකරණ කාණ්ඩයේ හොඳම සේවක සම්මානය හිමි කර ගැනීම විශේෂ වේ. පරිසර ආරක්ෂණ නීති සම්පාදනය සම්බන්ධයෙන් ඇය සිදු කළ පර්යේෂණවල ප්‍රතිඵල ශ්‍රී ලංකා ඉඩම් සංවර්ධන සංස්ථා (සංශෝධන) පනත අංක 13 – 2021 සඳහා දායක වී ඇත.

ධර්මපාල මහත්මියගේ පුළුල් නීතිමය දැනුම, උපායමාර්ගික දැක්ම සහ යහපත් ආයතනික පාලනය පිළිබඳ කැපවීම ජනශක්ති ෆයිනෑන්ස් හි නීති අනුකූලතාව, අවදානම් කළමනාකරණය සහ ආයතනික විශ්වාසනීයත්වය තවදුරටත් ශක්තිමත් කිරීමට දායක වේ.